منگرال راجپوت کتاب پارٹ 12

-

 راجہ سینس پال

 راجہ سینس پال ضلع کوٹلی میں منگرال قبیلہ کے جدِ امجد ہیں۔ انھوں نے مہترائوں کو نیست و نابود کر کے سہنسہ کے علاقے میں اپنی حکومت قائم کی۔ بعد ازاں ملک مسعود وزیرِ اعظم کشمیر کی دعوت پر آپ نے نہ صرف اسلام قبول کیا بلکہ اسلام کی خوب اشاعت بھی کی۔ راجہ سینس پال کی قبر "سائینلہ" میں ہے۔ راجہ سینس پال کی وفات کے بعد بستی کا نام آپ کے نام سے منسوب کرتے ہوئے "سہنسہ" رکھا گیا۔

راجہ سینس پال ضلع کوٹلی اور گردونواح میں منگرال قبیلہ کے جدِ امجد ہیں۔ راجہ سینس پال، راجہ منگرپال [جن کے نام سے منگرال قبیلہ کو گوت چلی ہے] کی پانچویں پشت سے ہیں۔ راجہ سینس پال کی پیدائش اور ابتدائی زندگی کے بارے میں تاریخ خاموش ہے، البتہ چند داستانیں سینہ بہ سینہ چلی آ رہی ہیں۔ ایک مشہور روایت ہے، آپ جموں سے براستہ سیالکوٹ یہاں تشریف لائے۔ آپ کے ساتھ آپ کے خاندان کے چند لوگ بھی تھے جو ہم کہ سکتے ہیں کہ آپ کے دادا کی اولاد سے ہو سکتے ہیں۔

جب آپ وادی سہنسہ کے جنوب مغربی پہاڑ "ٹرانا" پر تشریف لائے تو آپ کا پڑائو اونچی جگہ تھا۔  سہنسہ شہر تب آباد نہ ہوا تھا۔ یہاں پر مہترائوں [چوڑے] کی حکومت تھی۔ مہترائوں نے راجہ سینس پال سے ان کی بیٹی کا رشتہ مانگا۔ راجہ سینس پال نے انھیں یہ کہا کہ میں دعوت دوں گا اور آپ سب لوگ دعوت میں آئیں گے، وہاں فیصلہ کروں گا اور آپ کو رشتہ بھی دے دیا جائے گا۔ لیکن شرط یہ ہے کہ آپ کے قبیلے کا کوئی بھی فرد اس دعوت سے غیر حاضر نہیں رہے گا۔ دعوت میں سب مہتر آئے صرف ایک عورت جو حاملہ تھی وہ نہ آ سکی تھی۔ راجہ سینس پال نے ان تمام کو جلا دیا اور اپنی بادشاہت قائم کر لی۔     

راجہ سینس پال نے عوام پر کبھی کوئی غیر ضروری ٹیکس یا خراج کے لیے دبائو نہ ڈالا۔ آپ کا رویہ عوام سے بہت دوستانہ تھا۔ راجہ سینس پال چودھویں صدی کی دوسری دہائی میں یہاں آئے۔ آپ نے دو شادیاں کر رکھی تھیں۔

سنہ 1424 میں ملک مسعود، وزیرِ اعظم کشمیر نے پوری ریاست میں اسلام کی تبلیغ کی۔ ملک مسعود چھوٹی چھوٹی حکومتوں یا راجواڑوں کو دعوتِ اسلام دیتا، جو اسلام قبول کر لیتے انھیں حکومت کے ساتھ ساتھ انعام واکرام سے بھی نوازتا۔ جو کوئی انکار کرتا اس کے خلاف لشکر کشی کرتا تھا۔ راجہ سینس پال نے ملک مسعود کے دعوت پر اسلام قبول کیا۔ آپ نے اپنا اسلامی نام بھی سینس پال ہی رکھا کیوں کہ لوگ آپ کے ساتھ بہت پیار کرتے تھے اور لوگوں کا اصرار تھا کہ آپ اپنا نام تبدیل نہ کریں۔ آپ کے ساتھ تمام آبادی نے بھی اسلام قبول کر لیا۔ یوں ہم کہ سکتے ہیں کہ علاقہ سہنسہ میں اسلام قبول کرنے والے اور اسلام کی اشاعت کرنےوالے پہلے فرد راجہ سینس پال ہی تھے۔

قبولِ اسلام اور حکومت قائم کرنے کے بعد آپ نے سائینلہ کو ہی اپنی حکومت کا ہیڈ کوارٹر منتخب کیا۔ لوگوں کو انصاف بہم پہنچایا۔ آپ عوام کے دلوں پر راج کرتے تھے۔ آپ کی وفات کے بعد علاقہ کا نام آپ سے محبت و عقیدت کی وجہ سے "سہنسہ" رکھا گیا۔ یہ نام چودھویں صدی عیسویں کے آخر میں رکھا گیا۔

آپ کی وفات کے بعد آپ کو سائینلہ کے قبرستان میں دفن کیا گیا۔ آپ کی قبر بابا مستان شاہ کے دربار کے دائیں پہلو میں ہے جب کہ بائیں پہلو میں آپ کی بیگمات کی دو قبریں ہیں۔ راجہ سینس پال کے چار بیٹے تھے۔ بڑے بیٹے راجہ دان خان، دوسرے بیٹے راجہ تتار خان، جب کہ تیسرے بیٹے راجہ مہتدان خان جو لاولد تھے اور چوتھے بیٹے راجہ رحیم خان تھے۔

سائِنلہ میں آج بھی راجہ سینس پال کی حکومت کے کچھ نشانات دیکھے جا سکتے ہیں جن میں تلک [ٹیکہ] لگانے کا پتھر بھی موجود ہے۔ جس پر سندور سے شہزاردوں کو ولی عہد کا ٹیکہ لگایا جاتا تھا۔ ایک گہرا کنواں بھی موجود ہے جہاں سائلین اور زائرین کو پانی پلایا جاتا تھا۔ جب کہ بیٹھنے کے لیے برگد کے درختوں کے نیچے بنی ہوئی جگہ آج بھی دکھائی دیتی ہے۔    

راجہ محمد شریف خان ایڈووکیٹ نے تلک لگانے والے پتھر پر کچھ تحریر لکھی تھی جو اب مٹ چکی ہے۔ اب سائیلہ میں صرف راجہ محمد شریف خان ایڈووکیٹ، صوبیدار راجہ محمد انور خان [والد راجہ میجر ابرار خان] کے علاوہ ان کے بھائیوں کے چند گھر منگرال قبیلہ کی عظمتِ رفتہ کی عکاسی کرتے ہیں۔ سائیلہ میں صدیوں سے دفن راجہ سینس پال کی قبر کی نشان دہی تحقیق کر کے راقم نے کی اور پھر راجہ ظہور کرامت اور راجہ وقار علی اختر کے ساتھ مل کر قبر کی تعمیر اور تحتی لگائی۔ 

بلاگرراجہ ممتاز احمد

نوٹ: بلاگر کا کتاب کے کسی بھی متن سے متفق ہونا قطعاً ضروری نہیں ہے۔  

تبصرے

ایک تبصرہ شائع کریں

اس بلاگ سے مقبول پوسٹس

MANGRAL RAJPOOT BOOK PART 9

-
تصویر
  SEHNSA Sahansa is like a valley with Poonch river in the east, wide plain in the west, hills in the north and south. 2262 feet above sea level. It has a population of about 63,000. Sahansa has one town, five union councils and 71 constituencies. The largest union council in Sahansa is the Anti-Mangralan. The reason for the name Sahansa is that its name is derived from the ancestor of the Mangral tribe, Raja Sens Paul. Raja Sens Paul ruled the area for a long time. When Raja Sens Paul was invited to Islam in 1424 by the Prime Minister of Kashmir, he not only embraced Islam but also brought his subjects into the fold of Islam. Raja Sense Paul did not change his name at the insistence of the people even after his conversion to Islam. His subjects loved him dearly. When Raja Sans Paul encamped here, the area was ruled by the Mehtaras, after which he declared his rule here and made Sainla, west of the present Sahansa city, his capital. The area was later renamed Sahansa after him.
مزید پڑھیں

منگرال راجپوت کتاب پارٹ 11

-
تصویر
کوٹلی منگرالاں م ختلف محققین نے اس بارے میں اپنی آراء لکھی ہے۔ بعض کے نزدیک پہاڑوں کے دامن میں ایک وسیع میدان کی وجہ سے "کوہ تلی" نام تھا جو بگڑ کر "کوٹلی" بن گیا۔ دوسرے مئولف کی رائے میں کوٹلی کے منگرال حکمران راجہ دیال خان کی وفات کے بعد اس کے فرزند راجہ شاہ سوار خان نے موضع دکھاری کے پہاڑ "ہالا کیری" کی ڈھلوان پر کوٹ آباد کیا۔ بعد میں علاقے کا نام بدل کر کوٹلی بن گیا۔ راجہ شاہ سوارخان کوٹلی کا آخری مسلمان حکمران تھا جس نے دو مرتبہ سکھوں کےحملے کا منہ توڑ جواب دیا۔ پہلی بار 1812ء میں جبکہ دوسری بار 1814ء میں رنجیت سنگھ سے معرکہ ہوا۔ راجہ شاہ سواار خان چونکہ منگرال قبیلے سے تعلق رکھتا تھا اس لیے اس کے خاندان کے لوگ کثیر تعداد میں یہاں آباد تھے۔ لوگ اپنے حکمران سے بہت خوش تھے اور اس کے ساتھ سیسہ پلائی دیوار کی طرح کھڑے تھے۔  راجہ شاہ سوار خان کی کوئی نرینہ اولاد نہ تھِی۔ وہ اپنی رعایا سے بہت پیار کرتا تھا۔ سنہ 1816ء میں سکھوں نے تیسرا اور فیصلہ کن حملہ کوٹلی منگرالاں پر کیا۔ وہ جدید اسلحہ سے لیس تھے اور ان کے پاس کمک بھی زیادہ تھی۔ میں سکھوں نے تیسرا اور
مزید پڑھیں

MANGRAL RAJPOOT BOOK PART 7

-
تصویر
  MANGRAL RAJPOOT Rajput dynasties ruled different regions from time to time. When the people of the same Rajput dynasty ruled in different places, they started a new tribe to keep their name alive for generations to come, which became the identity of this tribe or family in the coming era. The Rajput family has about 3684 major branches. While the number of their goths is about six thousand. Of the ruling families, Raja Amna Pal ruled over Rajouri from 1172 to 1217. He had six sons, after whom six new goths of the Rajput family were established. Raja Amna Pal's eldest son was named Raja "Man Pal" after whom the "Manial Rajput" tribe originated. The youngest son from Manpal was named Mangar Pal, whose descendants were called Mangral. The third son, Raja Buddh Pal's descendant, was called "Pal Thakkar". Raja Amna Pal's fourth son Raja Rajpal's children were called "Thakkar Pal", while the fifth son Raja Sadhpal's childre
مزید پڑھیں